Інцыдэнт адбыўся ўвечары 10 лютага ў вёсцы Малая Валохва.
Пасля здарэння з закрытай чэрапна-мазгавой траўмай шпіталізавалі 26-гадовага пацярпелага. Аказалася, што хлопец гасцяваў у свайго 45-гадовага цесця, яны разам выпівалі. У нейкі момант мужчыны пачалі лаяцца. У ходзе сваркі цесць схапіў патэльню і стукнуў ёю хлопца па галаве.
У выніку ў пацярпелага праламаны чэрап, таксама адбылося кровазліццё ў мозг.
У дачыненні да мужчыны 12 лютага распачалі крымінальную справу па ч. 1 арт. 147 КК (Наўмыснае прычыненне цяжкага цялеснага пашкоджання). Яму пагражае да васьмі гадоў пазбаўлення волі.
Загінуў беларускі добраахвотнік Васіль «Дзір» Рапіцкі11
Каментары