Скончылася следства па справе Вячаслава Казанава, які арганізоўваў вечарыны для свінгераў у здымным катэджы пад Мінскам. У чэрвені 2018 года на адну такую вечарыну ўварваўся АМАП, Казанава затрымалі.
Праз нейкі час Казанава адпусцілі, але затым усё ж змясцілі пад варту, дзе ён і знаходзіцца па сёння. Мужчыну ставілі ў віну арганізацыю заняткаў прастытуцыяй, пасля дадалося абвінавачванне ў сэксуальным гвалце. Адначасова агучылі інфармацыю пра старое злачынства: аказалася, што Казанаў быў асуджаны на 17 гадоў, ён згвалтаваў адну дзяўчыну і забіў другую. Выйшаў на волю мужчына раней, у 2015 годзе.
Цяпер следчыя паведамляюць пра новыя факты ў справе. Па версіі следства, Казанаў меў дачыненне да згвалтавання 21-гадовай дзяўчыны ў 2015 годзе, а ў 2018 годзе спрабаваў згвалтаваць 18-гадовую дзяўчыну, збіваў яе, прымушаючы да інтыму.
Акрамя таго, засталося і абвінавачванне ў арганізацыі прытону і заняткаў прастытуцыяй.
Справу накіравалі ў суд.
Цяпер чытаюць
«Вы бачылі шпалеры ад забудоўшчыка? Гэта ж страшны сон». За што крытыкуюць дзяржаўны рамонт у кватэрах для чаргавікоў?1
Каментары