Названы лаўрэат прэміі імя Сырыцы: за ўшанаванне памяці ахвяраў сталіністаў пад Оршай
Ігар Станкевіч за ўшанаванне памяці ахвяраў сталінскіх рэпрэсіяў пад Оршай, кампанію «Кабылякі. Расстраляныя ў Оршы» названы лаўрэатам прэміі імя Віктара Сырыцы, якую рух «За свабоду» ўручае ўжо трэці год запар.
Прэмія была заснаваная Радай руху «За свабоду» ў снежні 2016 года ў памяць пра выбітнага дзеяча нацыянальна-дэмакратычнага руху Беларусі Віктар Сырыцу. Ёй уганароўваюцца аўтары найлепшых рэгіянальных ініцыятываў па папулярызацыі беларушчыны па выніках мінулага году.
«Я быў вельмі ўзрушаны. У людзей ёсць патрэба памятаць сваіх продкаў, не важна, што ўлады не хочуць. У людзей ёсць патрэба», — распавёў Ігар Станкевіч. На сёння Ігар Станкевіч займаецца зваротамі ў архівы для атрымання інфармацыі пра рэпрэсаваных і раскулачаных сваякоў.
Пераможцай грамадскага галасавання стала Вікторыя Анохава-Жураўлёва за арганізацыю беларускамоўных літаратурных чытанняў для школьнікаў у Пружанах.
Каментары