Грамадства44

«Інтарэс праяўляем». Інстытут гісторыі пракаментаваў сітуацыю вакол парэшткаў паўстанцаў Каліноўскага

Намеснік дырэктара па навуковай працы Інстытута гісторыі НАН Беларусі Вадзім Лакіза заявіў, што Беларусь праяўляе інтарэс да парэшткаў паўстанцаў Каліноўскага, знойдзеных у Вільні, піша Радыё Свабода.

У Літве створаная дзяржаўная камісія ў справе перапахавання парэшткаў паўстанцаў Каліноўскага пад кіраўніцтвам прэм’ер-міністра Саўлюса Сквярняліса. У яе працы бярэ ўдзел доктар гуманітарных навук, былы дырэктар Інстытута гісторыі Літвы Альвідас Нікжантайціс.

Паводле яго, калі літоўскі і польскі бок дамаўляюцца аб нюансах мемарыялізацыі, то афіцыйная Беларусь гэта папросту ігнаруе. Альвідас Нікжантайціс сказаў Свабодзе, што за ўвесь час працы камісіі з беларускага афіцыйнага боку «не выяўлена ні кроплі інтарэсу».

«Прыехалі аднойчы спецыялісты з Беларусі, але гэта была нефармальная сустрэча», — сказаў Альвідас Нікжантайціс.

Вадзім Лакіза сказаў, што «гэта няпраўда».

«Інтарэс праяўляецца. Працуе і МЗС, і іншыя ўстановы. Наша група ездзіла з Беларусі ў Літву: археолаг, антраполаг, спецыялісты, эксперты-крыміналісты. Была афіцыйна накіраваная з дзяржаўных арганізацый, устаноў Беларусі група, якая сустракалася ў Літве ў МЗС, і нашы дыпламаты былі куратарамі гэтай сустрэчы. Дык як можна казаць, што яна неафіцыйная ці нефармальная?»

Паводле Вадзіма Лакізы, «праца далей працягваецца».

«Група зрабіла пэўныя высновы, свае думкі выказала, накіравала ў арганізацыі, якія пасылалі. Пытанне вырашаецца».

Вадзім Лакіза не адказаў на пытанне, ці будзе нехта з беларускага боку браць удзел у перазахаванні парэшткаў паўстанцаў Каліноўскага.

«Мая асабістая думка: прадстаўнікі беларускага боку павінны браць удзел. І я думаю, што возьмуць удзел».

Літоўскія спецыялісты кажуць, што трэба ўзяць ДНК брата Кастуся Каліноўскага Віктара, пахаванага ў Свіслачы дзеля ідэнтыфікацыі парэшткаў. Ці дапаможа беларускі бок?

«Гэтае пытаньне прапрацоўваецца. Нават учора пра гэта была размова. Магіла Віктара Каліноўскага дакладна абазначана. Пробы магчыма ўзяць».


Як расійскія салдаты пахавалі Кастуся Каліноўскага: рукі звязаныя за спінай, цела засыпанае вапнай ФОТЫ

Каментары4

«Вы ж самі разумееце». Горкі маналог беларускага настаўніка

«Вы ж самі разумееце». Горкі маналог беларускага настаўніка

Усе навіны →
Усе навіны

У Бабруйску 24-гадовага электраманцёра забіла токам. Ён дзеля бравады схапіўся за правады над цягніком1

Беларус правёў тэст у кавярні на веданне беларускай мовы. Яго правалілі24

Вядомая літоўская фігурыстка стала мамай у 52 гады3

У Стаўбцоўскім раёне маршрутка з'ехала ў кювет. Ёсць пацярпелыя

МЗС Беларусі заявіла, што хоча ўдзельнічаць у мірных перамовах па Украіне і атрымаць гарантыі бяспекі40

Прэзідэнт Славакіі Пелегрыні: Украіне прыйдзецца страціць некаторыя тэрыторыі дзеля міру6

У Валожынскім раёне перакулілася маршрутка. Восем пацярпелых

Экіпаж танкера «Валганафта-239», які пацярпеў крушэнне ў Керчанскім праліве, яшчэ не выратавалі

Беларуска расказала пра сваю працу ў анлайн– і звычайным казіно4

больш чытаных навін
больш лайканых навін

«Вы ж самі разумееце». Горкі маналог беларускага настаўніка

«Вы ж самі разумееце». Горкі маналог беларускага настаўніка

Галоўнае
Усе навіны →