Разбойны напад здзейсніў мінчук на дачы ў Смалявіцкім раёне пры дзіцяці, але праз некалькі гадзін яго затрымалі, паведамляе УУС.
У вёсцы Палянка Смалявіцкага раёна ў 35-гадовай жанчыны знаёмы на выгляд мужчына пазычыў невялікую суму на маршрутку да Мінска. Праз некаторы час яна ўбачыла ў акно, што той жа чалавек набліжаецца да яе дома з нажамі ў руках. Ён зайшоў і, убачыўшы малалетняга сына гаспадыні, схаваў нажы за спіну.
Мужчына запатрабаваў грошы. Гаспадыня аддала яму з кашалька апошнія 35 рублёў. Той сказаў, што гэтага мала, запатрабаваў спіртнога і забраў бутэльку піва. Пасля сказаў, што жанчына нават не ўяўляе, што ён мог бы з ёй зрабіць. Гэтая фраза яе вельмі напалохала, толькі праз гадзіну яна набрала мужу і ўжо пасля патэлефанавала ў міліцыю.
Неўзабаве агрэсара знайшлі — ім аказаўся 33-гадовы мінчук. Мужчына жыў разам са сваёй бабуляй і перыядычна наведваўся на яе дачу ў вёсцы.
Мужчына быў затрыманы і дастаўлены ў Смалявіцкі РАУС. Заведзена крымінальная справа па артыкуле «разбой», ён таксама падазраецца ў крадзяжы ў адным з дамоў вёскі Палянка.
«Лена 20 рублёў» узялася за старое: знакамітая махлярка зноў разводзіць даверлівых беларусаў3
Каментары