Зніклага 10 красавіка ў Камянецкім раёне двухгадовага Ваню Валошына знайшлі сёння мёртвым. Гэтую інфармацыю Радыё Свабода пацвердзіў кіраўнік пошукавага атраду «Анёл» Сяргей Коўган.
«Хлопчыка знайшлі ў меліярацыйным канале непадалёк ад вёскі Галоўчыцы. На жаль, дзіця мёртвае», — распавёў Tut.by афіцыйны прадстаўнік УУС Брэсцкага аблвыканкама Сяргей Дучэнка.
У прэс-службе Следчага камітэта заявілі, што прыкмет гвалтоўнай смерці не выяўлена. З мэтай высвятлення прычыны смерці прызначана судова-медыцынская экспертыза.
Паміж вёскамі Галоўчыцы і Любашкі, дзе прапала дзіця — 3,4 кіламетра.
Ваня Валошын, якому 1 год 11 месяцаў, выйшаў з дому ў вёсцы Люба́шкі ў Камянецкім раёне на Берасцейшчыне ўдзень 10 красавіка. Маці Вані звярнулася ў міліцыю ў 21:00. Яна расказала, што сын выйшаў з дому каля 15:00 і не вярнуўся дахаты. З таго часу ягонае месцазнаходжанне было невядомае.
На пошукі дзіцяці адразу рушылі міліцыянты, ратаўнікі, памежнікі, вайскоўцы. Сёння ў пошуках хлопчыка ўдзельнічалі 93 валанцёры.
Чытайце таксама: Што вядома пра сям'ю хлопчыка, які прапаў пад Камянцом
Каментары