Марзалюк прапанаваў Лукашэнку ўвесці ў Беларусі Дзень дзяржаўнасці — 5 чэрвеня
Гісторык і дэпутат Ігар Марзалюк пасля паслання кіраўніка дзяржавы звярнуўся да яго з пытаннем.
«Без сумневу, самае галоўнае свята ў Беларусі — Дзень незалежнасці 3 ліпеня. Але, як вы адзначылі [ў пачатку паслання], гісторыя беларускай дзяржаўнасці налічвае больш за тысячагоддзе. Таму самым старажытным і слаўным дзяржаўным утварэннем на тэрыторыі нашай краіны было Полацкае княства. І скандынавы, і ў Заходняй Еўропе ведалі тры часткі Гардарыкі (як яны называлі Усходнюю Еўропу) з трыма сталіцамі: Кіевам, Ноўгарадам і Полацкам».
«У гэты юбілейны год, 25-годдзя Канстытуцыі і формы прэзідэнцкага праўлення, зусім нядаўна ў Бабруйску пры земляных работах мы набылі рэальны знак той вялікай суверэннай улады — хутчэй за ўсё, мы знайшлі шлем Ізяслава Полацкага», — працягнуў Марзалюк.
«Шлем цяпер на рэстаўрацыі, а калі мы скончым, то зможам з гонарам выстаўляць яго і ганарыцца. У сувязі з тым, што малой радзімай усіх беларусаў, па сутнасці, з'яўляецца Полацк, горад, «з якога пачынаўся свет», як вы лічыце - ці дарэчы ўвесці Дзень беларускай дзяржаўнасці? І святкаваць яго 5 чэрвеня».
Гэтую дату ён патлумачыў тым, што 5 чэрвеня - дзень памяці святой Ефрасінні Полацкай, якая была полацкай князёўнай, з'яўляецца «святой патронкай Беларусі» і ёй ушаноўваюць як праваслаўныя, так і каталікі.
«Скажу шчыра, у мяне няма на гэты конт меркавання. Гэта некалькі нечакана для мяне, — адказаў Аляксандр Лукашэнка. — Я не чытаў [пра гэтую знаходку]. Мне трэба вельмі сур'ёзна падумаць».
Цяпер чытаюць
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»32
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць1010
Каментары