У Брэсце актывісты атрымалі штрафы за ўдзел у акцыі супраць акумулятарнага завода
Сёння, 24 красавіка, у Брэсце распачаліся суды над праціўнікамі акумулятарнага завода, якія былі затрыманы 12 і 14 красавіка, піша spring96.org.
Першым судзілі Віталя Казака. Яго вінавацілі ў тым, што ён удзельнічаў у шэсці 14 красавіка. Сваю віну Казак не прызнаў. Вынік — 30 базавых велічынь (765 рублёў) за парушэнне артыкула 23.34 КаАП (арганізацыя ці ўдзел у несанкцыянаваным масавым мерапрыемстве).
Віктар Сэндэр, які быў затрыманы АМАПам пасля шэсця 14 красавіка, аштрафаваны на 5 базавых (127,5 рублёў) па тым жа артыкуле. Абодвух актывістаў судзіў суддзя Ленінскага суда Дзмітрый Шурын. Сведкамі, як заўсёды, выступілі міліцыянты Ленінскага РАУС.
Пасля абеду прайшлі працэсы над Алегам Вялавым і Дзмітрыем Андрасюком.
Алег Вялаў прызнаны вінаватым і аштрафаваны на 25 базавых (637,5 рублёў).
Дзмітрыю Андрасюк — штраф у 40 базавых (1 020 рублёў). Сам Андрасюк на абвяшчэнні рашэння не быў — суддзя выдаліў яго з залі за парушэнне парадку і непавагу да суду.
Цяпер чытаюць
Вялікая гутарка з Лесяй Руднік пра сэксізм, мужа-рэслера, заробак доктаркі навук у Швецыі, апазіцыю і памылку Еўрасаюза13
Вялікая гутарка з Лесяй Руднік пра сэксізм, мужа-рэслера, заробак доктаркі навук у Швецыі, апазіцыю і памылку Еўрасаюза
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі1616
Каментары