Праблема якасці нафты, якая пастаўляецца па нафтаправодзе «Дружба», носіць тэхнічны характар і не павінна палітызавацца. Пра гэта заявіў журналістам расійскі віцэ-прэм'ер Дзмітрый Козак, паведамляе ТАСС.
«Гэта тэхнічная праблема, яе не трэба палітызаваць, перыядычна такое здараецца», — адзначыў ён. Па словах віцэ-прэм'ера, на гэты раз гранічна дапушчальная канцэнтрацыя шкодных рэчываў аказалася, аднак, істотна вышэйшай, чым раней.
Кампаніі, вінаватыя ў пагаршэнні якасці нафты, і іх менеджмент панясуць адказнасць, дадаў Козак.
«Калі будзе выяўлена, хто з'яўляецца аўтарам гэтага «твора», то будуць ужытыя адпаведныя меры і фінансавай адказнасці, і, цалкам магчыма, асабістай адказнасці службовых асоб нафтавых кампаній, якія гэта дапусцілі», — падкрэсліў ён.
Па словах віцэ-прэм'ера, на пункце ўваходу, дзе адбылося забруджванне нафты, працуюць чатыры кампаніі, што здабываюць нафту. «Працуюць праваахоўныя органы, паколькі шкода істотная і для нашых нафтаперапрацоўчых заводаў, і для нашых партнёраў, і для самой «Транснафты», — дадаў ён.
Цяпер чытаюць
Вызвалены палітвязень Мікіта Емяльянаў, якога арыштавалі яшчэ ў 2019 годзе, 19‑гадовым7
Вызвалены палітвязень Мікіта Емяльянаў, якога арыштавалі яшчэ ў 2019 годзе, 19‑гадовым
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары