Нікалас Мадура звярнуўся з пасланнем да нацыі на фоне масавых пратэстаў, якія ўспыхнулі ў аўторак у краіне з новай сілай. Ён заявіў, што гэта была спроба дзяржаўнага перавароту, якая пацярпела няўдачу.
Прэзідэнт Венесуэлы заявіў, што пратэсты, ініцыяваныя апазіцыяй, раўнасільныя спробе дзяржаўнага перавароту, але ўсе гэтыя намаганні пацярпелі паразу. Пра гэта прэзідэнт Венесуэлы заявіў у сваім пасланні да нацыі. Трансляцыя вялася на старонцы Мадуры ў твітары.
Мадура падкрэсліў, што цяперашняя спроба перавароту была зроблена з падачы былога мэра Каракаса, заснавальніка сацыял-дэмакратычнай партыі «Народная воля» Леапольда Лопеса. «Агенты правага крыла тэрарыстычнай партыі «Народная воля» паспрабавалі здзейсніць дзяржаўны пераварот», — сказаў ён. «Імперыя імкнецца атакаваць і зрынуць законны ўрад, каб заняволіць Венесуэлу», — сказаў ён.
Мадура павіншаваў вайсковае кіраўніцтва краіны, заявіўшы, што спроба дзяржаўнага перавароту пацярпела няўдачу. «Я хачу павіншаваць вас з цвёрдай, лаяльнай і смелай пазіцыяй, з якой вы кіравалі разгромам невялікай групы, якая спрабавала напоўніць Венесуэлу гвалтам. Я хачу павіншаваць Вярхоўнае вайсковае камандаванне з яго адвагай у абароне міру», — дадаў Мадура.
Каментары