Уладзімір Шымаў сышоў з пасады рэктара Беларускага дзяржаўнага эканамічнага ўніверсітэта. Ён займаў гэтую пасаду з 2002 года.
Шымаў нарадзіўся ў 1948 годзе ў Запарожскай вобласці Украіны, вучыўся ў школе ў Горлаўцы пад Данецкам і ў Маскоўскім дзяржаўным універсітэце.
У 27 гадоў трапіў у Беларусь, атрымаўшы накіраванне на працу ў мясцовы Дзяржплан.
У 1996—2002 быў міністрам эканомікі Беларусі.
Адзін сын экс-рэктара — Усевалад — выкладае паліталогію ў БДУ. Ён актыўны аўтар «западнарускіх», праімперскіх і чарнасоценскіх сайтаў. Другі ж — Яраслаў — працуе на расейскай службе амерыканскага радыё «Свабода».
Новым рэктарам БДЭУ прызначаны колішні першы прарэктар Вячаслаў Шуцілін. Апроч таго, прызначаны рэктар Беларускай дзяржаўнай сельгасакадэміі. Ім стаў Віталь Веліканаў.
Каментары