Пракуратура Брэста завяла крымінальную справу ў дачыненні да 36-гадовага мужчыны, які катаваў свайго сына-школьніка, паведамляе БелТА.
Будучы п'яным, у адзін з дзён сакавіка мужчына пачаў прад'яўляць дзевяцігадоваму сыну прэтэнзіі наконт урокаў, якія хлопчык не вывучыў. Біў яго рукамі па галаве, калі дзіця звалілася — нагамі. Агулам бацька ўдарыў не менш як 17 разоў па розных частках цела. Вярнуўшыся дадому і ўбачыўшы гэтую сітуацыю, маці не стала звяртацца ў міліцыю. На наступны дзень цялесныя пашкоджанні заўважыла цётка школьніка, пра што паведаміла праваахоўнікам.
Падчас праверкі маці адмовілася прыцягваць мужа да адказнасці за катаванне дзіцяці. Пасля гэтага ў красавіку мужчына яшчэ тройчы гвалтаваў сына.
Для абароны законных інтарэсаў і правоў дзіцяці, якое знаходзіцца ў залежным становішчы ад бацькі, пракуратура горада вырашыла распачаць крымінальную справу па ч.2 ар.154 КК.
Каментары