Заява новаабранага прэзідэнта Украіны Уладзіміра Зяленскага аб магчымым вяртанні Крыма ў склад краіны можа быць звязана з дэменцыяй, якая ў яго магла пачацца. Пра гэта заявіў старшыня расійскай Дзярждумы Вячаслаў Валодзін.
«Прэзідэнт Украіны павінен ведаць добра гісторыю і падзеі, якія адбываліся ва Украіне пяць гадоў таму, без гэтага немагчыма развіццё адносін, заснаваных на дружбе і даверным супрацоўніцтве», — адзначыў Валодзін.
Ён нагадаў расійскую версію падзей, што ў 2014 годзе, пасля падзей Майдана, жыхары Крыма правялі рэферэндум аб незалежнасці, а пазней аб уступленні ў склад Расіі.
Старшыня Дзярждумы падкрэсліў, што, акрамя гэтага, Зяленскаму варта памятаць, што ў Украіны і Расіі таксама агульная мова, што неабходна ўлічваць, «як бы каму не хацелася».
Раней 18 мая Зяленскі абвясціў, што Украіна верне сабе Крым, але ўдакладніў, што для гэтага павінна прайсці шмат часу.
Чытайце таксама: Зяленскі: Татары ізноў сталі ахвярамі рэпрэсій
Цяпер чытаюць
31‑гадовы расіянін акруціў 17‑гадовую беларуску. Фінал гісторыі страшны: турма за наркотыкі, смерць дзіцяці, «СВА» і скрадзеныя грабавыя13
Каментары