На выставе MILEX, якая прайшла ў Мінску, заключылі кантрактаў на суму каля $200 мільёнаў
Каля 30 знешнеэканамічных дамоваў у сферы ўзбраення і ваенна-тэхнічнай маёмасці на суму каля $200 мільёнаў падпісана на IX Міжнароднай выставе MILEX 2019, якая завяршылася 18 мая ў Мінску. Пра гэта паведамілі ў Дзяржаўным ваенна-прамысловым камітэце.
Выстава перасягнула папярэднія па колькасці экспанентаў і ліку замежных дэлегацый. Агульная плошча склала каля 20 тысяч квадратных метраў, на якіх размясцілася больш за 4 тысячы экспанатаў.
Самыя маштабныя экспазіцыі разгарнулі Беларусь (каля 100 экспанентаў), Расія, якую прадстаўлялі больш за 40 вядучых абаронных навуковых і вытворчых прадпрыемстваў і кампаній, Казахстан (7 абаронных кампаній) і Кітай (3 кампаніі)».
Выставу наведалі 59 афіцыйных дэлегацый з 35 дзяржаў свету. Пры гэтым дэлегацыі Бахрэйна, Балгарыі, Замбіі, Зімбабвэ, Лаоса, Чэхіі і Эрытрэі наведалі выставу ўпершыню.
Адметнай асаблівасцю MILEX-2019 стала цікавасць замежных дэлегацый да распрацовак, заснаваных на IT-тэхналогіях і праграмным забеспячэнні. Робататэхніка паветранага і наземнага базіравання, сродкі процідзеяння малапамерным паветраным цэлям, сістэмы агнявога паражэння, стралковая зброя, сродкі комплекснага супрацьдзеяння высокадакладнай зброі, а таксама магчымасці беларускіх прадпрыемстваў па правядзенні рамонту і мадэрнізацыі авіяцыйнай і бранятанкавай тэхнікі, сродкаў супрацьпаветранай абароны.
На гэтым фоне той факт, што кожны год на ўзбраенне ў Беларусі прымаецца каля 10 новых узораў ўзбраення і вайсковай тэхнікі, з'яўляецца паказчыкам ўзроўня развіцця навукі і тэхналогій у арганізацыях ВПК.
Выстава спрыяла ўмацаванню міжнароднага аўтарытэту краіны як вытворцы і пастаўшчыка прадукцыі вайсковага прызначэння.
На пляцоўцы каля «Мінск-Арэны» з'явіліся найлепшыя ўзоры вайсковай тэхнікі ФОТЫ
Упершыню паказаны беларускі зенітны комплекс «Бук-МБ3К» ФОТА
Як выглядае мадэрновая міліцэйская машына для разгону дэманстрацый ФОТА
Гістарычныя +40,4°C у Пінску — гэта толькі разагрэў. Беларусь уваходзіць у новую кліматычную эру і на вачах стане лесастэпам14
Каментары