Актрыса міні-серыяла ад HBO «Чарнобыль» Эмілі Уотсан распавяла на сустрэчы з журналістамі, што думае пра Беларусь, піша Citydog.by са спасылкай на брытанскае выданне Daily Express.
У другой серыі міні-серыяла ад HBO «Чарнобыль» гледачы пазнаёміліся з Ульянай Хамюк з Мінска — паводле сюжэта, выдуманая гераіня працавала фізікам-ядзершчыкам у Беларускім інстытуце ядзернай энергетыкі. Жанчыну сыграла англічанка Эмілі Ўотсан.
На сустрэчы з журналістамі актрыса распавяла аб сваёй гераіні: «Яна з Беларусі, і, калі вы прыедзеце ў Беларусь хоць на дзве секунды, вы зразумееце, што гэта, імаверна, было найгоршае месца для жыцця на планеце ў сярэдзіне ХХ стагоддзя (відавочна, актрыса кажа пра Другую сусветную вайну) Насельніцтва вынішчалася з Захаду і з Усходу ў той час, калі яна была дзіцем. Таму гэта неймаверна моцныя, жывучыя і ўстойлівыя людзі <…> ».
Трэцяя серыя міні-серыяла ад HBO «Чарнобыль» выйдзе ў эфір ужо сёння, 20 мая.
Каментары