Затрыманы старшыня праўлення Магілёўскага аблспажыўсаюза Сяргей Шуркала, паведамілі Tut.by крыніцы. Кіраўніка падазраюць у перавышэнні службовых паўнамоцтваў і прысваенні маёмасці.
Фота з сайта pniva.by.
Па словах суразмоўцаў партала, Сяргея Шуркалу затрымалі на гэтым тыдні. На працы яго няма ўжо некалькі дзён, а выконваючым абавязкі старшыні праўлення Магілёўскага аблспажыўсаюза прызначаны намеснік Шуркалы. Справу вядзе КДБ, паведамляюць крыніцы.
Атрымаць аператыўны каментар у Камітэце дзяржбяспекі не ўдалося.
У вобласці Сяргея Шуркалу характарызуюць як прафесійнага кіраўніка, дзякуючы якому Магілёўскі аблспажыўсаюз займае лідзіруючыя пазіцыі ў Белкаапсаюзе.
Белкаапсаюз — буйны аператар гандлю, яго сетка налічвае звыш васьмі тысяч гандлёвых аб'ектаў і 700 аўтамагазінаў.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)