У гарадскім пасёлку Зэльва 17 чэрвеня нецвярозы муж падпаліў жонку, пакуль тая спала.
У той дзень 55-гадовы мужчына выпіў, на працу не пайшоў. Жонка на яго насварылася, на гэтай глебе паміж імі здарыўся канфлікт, паведамляе абласная міліцыя.
Пасля сваркі мужчына вырашыў заняцца чымсьці карысным. Узяў бензатрымер з каністрай і паспрабаваў касіць траву. Жанчына заўважыла, што яе муж не спраўляецца з лёгкімі парывамі ветру, а значыць не зможа справіцца з газонакасілкай, забрала яе да сябе ў пакой і лягла спаць.
Мужчына вярнуўся ў дом, выпіў віна. Затым увайшоў у пакой да жонкі, убачыў там бензатрымер і каністру з бензінам. Абліў жонку бензінам і падпаліў яе. Жанчына прачнулася ад моцнага болю ў спіне. Муж убачыў, што ён нарабіў і дапамог патушыць полымя.
Жонку даставілі ў бальніцу, дыягнаставаўшы тэрмічны апёк галавы, шыі, тулава, верхніх канечнасцяў, пярэдняй паверхні сцягна 2, 3 ступені, інгалятарная траўма і апёкі верхніх дыхальных шляхоў, цяпер дактары змагаюцца за яе жыццё
Цяпер чытаюць
«Хачу ўзяць інтэрв’ю» — «Не» — «Давайце я вас сфатаграфую» — «Не». Бяляцкі расказаў пра сустрэчу ў калоніі з Пратасевічам1
Каментары