У сераду 26 чэрвеня ў Горках адкрыюць памятны знак аб знаходжанні тут Пятра I, пішуць horki.info. Гэта стане часткай святкавання 75-годдзя вызвалення Горацкага раёна ад нямецка-фашысцкіх захопнікаў.
Яшчэ ў 2015 годзе на сайце газеты Горацкага райвыканкама «Горацкі веснік» выйшаў матэрыял «Падстаў для ўстаноўкі памятнай дошкі ў гонар знаходжання Пятра I у Горках няма». У ім дырэктар Горацкага гісторыка-этнаграфічнага музея Святлана Макеева тлумачыла, што знаходжанне Пятра I у Горках не з'яўляецца важнай гістарычнай падзеяй, таму што бітва паміж рускімі і шведскімі войскамі ў горадзе не вялася.
Макеева падкрэслівае, што падстаў ганарыцца фактам знаходжання ў Горках рускага цара са сваім войскам няма.
«Паўночная вайна 1700—1721 гадоў прынесла жыхарам беларускіх земляў велізарныя страты, абвастрыла эканамічную і палітычную сітуацыю ў краіне. Знаходжанне замежных войскаў было цяжарам для мясцовага насельніцтва. Гістарычныя дакументы сведчаць пра марадзёрства, рабаванні і гвалт не толькі з боку шведскіх, але і з боку рускіх войскаў».
Цяпер чытаюць
«А што адбываецца?» Чэргі на беларуска-расійскай мяжы цяпер не толькі на асноўным пераходзе, а нават на глухой дарозе11
Каментары