Лукашэнка — Захаду: Вы яшчэ з намі не разлічыліся за тую апошнюю вайну, якая была спароджаная вамі
Аляксандр Лукашэнка перасцерагае заходнія краіны ад папрокаў у бок Мінска і Масквы адносна выканання праў і свабод, паведамляе interfax.by.
«Калі нас на Захадзе крытыкуюць — раней больш, зараз трошкі менш — гэта не таму, што ў іх сумлення больш з'явілася, не. Я ім кажу: вы яшчэ з намі не разлічыліся за тую апошнюю вайну, якая была спароджаная вамі на нашай тэрыторыі. А мы яшчэ ад той цяжкай вайны за сем дзесяцігоддзяў не аднавіліся. Таму акуратней з правамі чалавека, дэмакратыяй і іншай крытыкай, якую мы чуем, часам неабгрунтавана, у наш адрас», — сказаў Лукашэнка на форуме рэгіёнаў Расіі і Беларусі ў Пецярбургу.
Паводле яго слоў, беларусы і расіяне прайшлі праз многія выпрабаванні і разам з гонарам іх вытрымалі.
Што за чамадан носіць каля Лукашэнкі ягоны ахоўнік? Не, там не ядзерная кнопка20
Каментары