Навальны высветліў, што віцэ-мэр Масквы засакрэціў дачу плошчай два гектары
Расійскі рэестр змяніў інфармацыю пра ўладальніка дачы ў Падмаскоўі, якая належыць віцэ-мэру Масквы Аляксандру Гарбенку. Пра гэта гаворыцца ў расследаванні расійскага апазіцыянера Аляксея Навальнага.
Дзялянка зямлі плошчай 19990 квадратных метраў, паводле выпіскі з рэестра, належыць нейкаму Івану Іванавічу Фёдараву.
Як адзначыў Аляксей Навальны, нумар і дата рэгістрацыі аб'екта нерухомасці супадаюць з ранейшымі данымі пра тое, што дача належыць Гарбенку. Акрамя таго, два суседнія ўчасткі, аб'яднаныя з галоўным участкам, запісаныя на сына і жонку Гарбенкі.
На дачы, па словах Навальнага, размешчаны дзевяць дамоў рознай плошчы, у тым ліку 400-метровы дом, якога няма ў дэкларацыі Гарбенкі.
Аляксандр Гарбенка займаецца ў мэрыі Масквы пытаннямі рэгіянальнай бяспекі і інфармацыйнай палітыкі.
Цяпер чытаюць
Музыка Цім Суладзэ: Розніца 30 гадоў — тое, што адпавядае маім уяўленням пра адносіны44
Каментары