У сераду зь Беларусі дэпартаваныя грамадзяне Літвы, 30-гадовы Тадас Блажавічус і яго 23-гадовая сястра Індрэ Блажавічутэ. 6 чэрвеня на лёгкаматорным самалёце яны перасяклі дзяржаўную мяжу Беларусі і штурмавіком Су-25 былі пасаджаныя на вайсковым аэрадроме ў Лідзе Гарадзенскай вобласьці. Самалёт, на якім літоўцы апынуліся ў Беларусі, можа быць канфіскаваны.
У сераду зь Беларусі дэпартаваныя грамадзяне Літвы, 30-гадовы Тадас Блажавічус і яго 23-гадовая сястра Індрэ Блажавічутэ. 6 чэрвеня на лёгкаматорным самалёце яны перасяклі дзяржаўную мяжу Беларусі і штурмавіком Су-25 былі пасаджаныя на вайсковым аэрадроме ў Лідзе Гарадзенскай вобласьці. Самалёт, на якім літоўцы апынуліся ў Беларусі, можа быць канфіскаваны.
Судом Воранаўскага раёну Гарадзенскай вобласьці грамадзяне Літвы Тадас Блажавічус ды Індрэ Блажавічутэ прызнаныя вінаватымі ў парушэньні Кодэксу Рэспублікі Беларусь аб адміністратыўных парушэньнях па артыкуле «Незаконнае перасячэньне дзяржаўнай мяжы». Яны аштрафаваныя на дзьве тысячы даляраў кожны. А вось лёгкаматорны самалёт, на якім сябры Ковенскага аэраклюбу пераляцелі празь мяжу, перададзены ў мытныя органы, якія могуць прыняць рашэньне пра яго канфіскацыю.
Увечары 6 чэрвеня дзяжурныя сілы проціпаветранай абароны Беларусі зафіксавалі перасячэньне паветранай мяжы рэспублікі нізкалётным лёгкаматорным самалётам з боку Літвы. На перахоп быў падняты штурмавік Су-25 дзяжурнага зьвяна штурмавой авіябазы ў Лідзе, які прымусіў парушальніка да пасадкі на лідзкім аэрадроме. Пры гэтым, як паведамляюць у Міністэрстве абароны рэспублікі, пры перахопе на запыт на аварыйнай частаце лётчык літоўскага самалёта не адказваў.
У часе далейшага разьбіральніцтва сьледчыя органы намагаліся высьветліць: ці быў у дзеяньнях літоўскага пілёта злы намер? Нямецкі лёгкаматорны самалёт CTSW быў абсталяваны сучаснай сыстэмай навігацыі, а вэрсію пілёта пра няспраўны компас пасьля абвергла экспэртыза, якая высьветліла, што прыбор быў у спраўным стане. Але, мяркуючы па тым, што крымінальная справа па факце парушэньня дзяржмяжы не ўзбуджалася, літоўскіх грамадзянаў усё ж залічылі не да злачынцаў, а да парушальнікаў памежнага рэжыму.
-
Стала вядома, па якім артыкуле асудзілі жыхара Светлагорска, затрыманага па вяртанні ў Беларусь
-
У Мінску ДАІ масава спыняе кіроўцаў каршэрынгу
-
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося4
Каментары