На адкрыццё расійскага дзіцячага садка прывезлі падстаўных дзяцей
Улады Пестрачынскага раёна ў Татарстане не пусцілі на адкрыццё дзіцячага садка мацярэй і дзяцей, для якіх гэтая ўстанова будавалася, паведамляе «Вечерняя Казань».
Паводле выдання, чыноўнікі патлумачылі свае дзеянні тым, што гэта яшчэ не ўрачыстае адкрыццё, а «ўрачыстае завяршэнне будаўніцтва садка», і ён адкрыецца праз некалькі месяцаў. Да дашкольнай установы прыйшлі каля 20 мам з дзецьмі. Да іх выйшаў кіраўнік выканкама Пестрачынскага раёна Альберт Хабібулін.
«Мы сказалі, што таксама хочам паглядзець, як там унутры. Ён [Хабібулін] збянтэжыўся і кажа, маўляў, не трэба нам туды ісці, там яшчэ рабочыя ходзяць, недаробкі ліквідуюць, брудна», — распавяла адна з мам Айгуль Мухаметзянава. Пагаварыўшы з бацькамі, кіраўнік выканкама адправіўся ў будынак дзіцячага садка.
Ужо на наступны дзень на мясцовых тэлеканалах паказалі рэпартаж з цырымоніі адкрыцця дзіцячага сада. У «Залатую рыбку» прыехалі чыноўнікі. Больш за тое, на мерапрыемстве ва ўстанове прысутнічалі дзеці, якія, у прыватнасці, сустракалі ўлады хлебам і соллю, танцавалі і майстравалі вырабы за сталамі.
На пытанне журналістаў «Вячэрняй Казані», чаму мамам з дзецьмі не далі паўдзельнічаць ва ўрачыстасці, Хабібулін адказаў, што арганізатары мерапрыемства былі занепакоеныя іх бяспекай.
Цяпер чытаюць
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ29
Каментары