Трамп просіць Зяленскага дапамагчы яму пераабрацца на выбарах — Washington Post
Прэзідэнт ЗША Дональд Трамп спрабуе прымусіць прэзідэнта Украіны Уладзіміра Зяленскага ўмяшацца ў прэзідэнцкія выбары ў ЗША, якія павінны адбыцца ў 2020 годзе, піша Washington Post.
Па версіі выдання, Уладзімір Зяленскі павінен спрыяць развіццю расследавання, адкрытага ва Украіне ў дачыненні да суперніка Трампа па прэзідэнцкай гонцы — Джо Байдэна. Таксама паведамляецца, што перагляд ваеннай дапамогі для Украіны быў спробай шантажу ўкраінскага лідара.
Асабісты адвакат Трампа Рудольф Джуліяні, які сустракаўся з блізкім партнёрам украінскага прэзідэнта, параіў новаабранаму ўраду аднавіць расследаванне супраць Джо Байдэна і яго сына.
Нагадаем, у сакавіку 2019 года генеральны пракурор Украіны Юрый Луцэнка аднавіў расследаванне супраць кампаніі бізнэсмена Мікалая Злачэўскага Burisma, дзе раней працаваў Хантэр Байдэн, сын былога віцэ-прэзідэнта ЗША Джозэфа Байдэна — верагоднага кандыдата ў прэзідэнты Злучаных Штатаў ад Дэмакратычнай партыі.
Цяпер чытаюць
Гістарычныя +40,4°C у Пінску — гэта толькі разагрэў. Беларусь уваходзіць у новую кліматычную эру і на вачах стане лесастэпам6
Каментары