Прэзідэнт Украіны Уладзімір Зяленскі мяркуе, што яго краіна пазбавілася больш за 15% ВУП пасля анексіі Крыма Расіяй, а таксама з-за канфлікту ў Данбасе. Такое меркаванне украінскі лідэр выказаў у аўторак падчас выступу на палітычным форуме высокага ўзроўню па пытаннях устойлівага развіцця, піша tass.ru.
Зяленскі адзначыў, што «Украіна трымаецца сваіх абавязальніцтваў, што тычацца дасягнення мэтаў устойлівага развіцця». Паводле яго слоў, іх рэалізацыі перашкаджаюць два фактары. Адзін з іх - гэта «ўнутрыпалітычная традыцыя», пры якой «важныя рэформы сустракаюць супраціў», удакладніў Зяленскі. Як ён запэўніў, «новы ўкраінскі ўрад зоймецца гэтай праблемай».
Другі фактар звязаны з дзеяннямі Расіі. «Ні адна краіна не можа выканаць мэты ўстойлівага развіцця інакш як ва ўмовах міру і бяспекі», - сказаў Зяленскі.
Згодна з яго сцвярджэннем, з прычыны анексіі Крыма Расіяй, а таксама пераходу шэрагу раёнаў на Данбасе пад кантроль апалчэнцаў «Украіна страціла больш за 15% ВУП і 15% аб'ёмаў прамысловай вытворчасці», пазбавілася «80% вугальных шахт, а таксама банкаўскіх актываў у памеры $ 5 млрд». «Яшчэ больш важна тое, што Украіна страціла звыш 13 тыс. грамадзян», - дадаў Зяленскі.
Украінскі прэзідэнт выступіў з сцвярджэннем, што «разам з замежнымі партнёрамі» яго краіна «зможа вярнуць свае тэрыторыі палітычным шляхам, спыніць вайну і ўсталяваць мір». «Гэта найважнейшая задача для нас», - сказаў ён.
-
Трамп хоча пазбавіць права голасу ў НАТА тыя краіны, якія трацяць на абарону менш за 5% ВУП
-
Зяленскі: Пакуль перанакіравання зброі з Украіны на Блізкі Усход няма, а там пабачым
-
Рысь, якая гуляе, мядзведзь і фламінга на фоне правадоў. За каго галасавалі гледачы на конкурсе «Фатограф дзікай прыроды года»
Цяпер чытаюць
Вынеслі прысуд Паліне Зыль — блогерцы, якая стала нулявым пацыентам справы Гаюна, бо ў яе знайшлі тую самую спасылку ад Матолькі14
Каментары