У аўторак, 1 кастрычніка, Джымі Картэру споўнілася 95 гадоў, палітык стаў першым прэзідэнтам ЗША (кіраваў у 1977-81 гадах), які дасягнуў гэтага ўзросту.
Картэр стаў найстарэйшым жывым прэзідэнтам ЗША. Раней такім лічыўся 41-ы прэзідэнт Джордж Буш-старэйшы.
Праўленне дэмакрата Картэра прыйшлося на Ісламскую рэвалюцыю ў Іране і захоп заложнікаў у пасольстве ЗША ў Тэгеране, уварванне СССР у Афганістан і на пачатак эканамічнага ўздыму Кітая.
Дарадцам Картэра па пытаннях нацбяспекі быў Збігнеў Бжэзінскі.
У 1980 годзе прайграў прэзідэнцкія выбары рэспубліканцу Рональду Рэйгану.
Каментары