Стане недаступнай і інфармацыя аб стане інвестыцый.
З новага году Нацыянальны статыстычны камітэт (Белстат) размяшчае штомесячныя даклады на сваім сайце. З аднаго боку, такі крок можна вітаць. Падпісантам (сярод якіх былі і СМІ) зараз не трэба выкладваць грошы за статыстычную інфармацыю. Адпаведна, яна стане больш даступнай. А з іншага боку, бясплатная версія ўрэзаная, калі параўнаць яе з той, што прадавалася.
У дакладзе аб сацыяльна-эканамічным становішчы ў Беларусі за студзень 2009 гаду, які Белстат на днях упершыню выклаў у адкрыты доступ, няма шэрагу цікавых паказчыкаў. У прыватнасці, гэта тычыцца звестак аб запасах на прамысловых прадпрыемствах асноўных відаў гатовай прадукцыі. Гэтыя звесткі і раней былі цікавыя журналістам і неабыякавым да эканомікі грамадзянам. А зараз, калі ўрад вядзе няроўнае змаганне з «наступствамі сусветнага фінансава-эканамічнага крызісу», гэтая інфармацыя ўяўляе яшчэ большую цікавасць. Але яна стала недаступнай.
Істотна зрэзанай падаецца і статыстыка па інвестыцыях. У прыватнасці, адсутнічае інфармацыя аб тым, як выконваюць прагноз па інвестыцыях у асноўны капітал рэспубліканскія органы дзяржкіравання і іншыя арганізацыі, падпарадкаваныя ўраду. Таксама закрытымі сталі звесткі аб інвестыцыях у асноўны капітал па крыніцах фінансавання. Напрыклад, зараз незразумела, колькі сродкаў было прыцягнута за кошт крэдытаў замежных банкаў, пазабюджэтных фондаў, замежных інвестыцый і г.д.
Усё, што тычыцца органаў дзяржкіравання (прагнозы і вынікі іх працы), было вырашана не выкладваць у агульны доступ, паведамілі ў прэс-службе Белстату. «Гэта інфармацыя не для шырокага карыстання, а для кіраўнічых рашэнняў ураду. Навошта яе выкладваць на ўвесь свет? Інтэрнэт жа разлічаны на шыракае кола карыстальнікаў. Да нас заходзяць з розных краін. Навошта ім нашы міністэрствы?» — растлумачылі там. Пры гэтым для органаў дзяржкіравання інфармацыя падаецца, як раней, у поўным выглядзе.
Цяпер чытаюць
Сталі вядомыя падрабязнасці пра трагедыю ў Полацкім манастыры16
Сталі вядомыя падрабязнасці пра трагедыю ў Полацкім манастыры
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары