праз дзесяць з паловай гадоў пасля здзейсненага ім цяжкага злачынства — рабунку банку на захадзе краіны.
37‑гадовая беларуска выдала нямецкаму правасуддзю сужэнца праз дзесяць з паловай гадоў пасля здзейсненага ім цяжкага злачынства — рабунку банку на захадзе краіны.
Пра здарэнне, якое адбылося ў верасні 1998 г. непадалёк ад Аахена, у той час шмат пісала нямецкая прэса. Рабаўнік у масцы і з пісталетам з’явіўся ў вясковым банку, калі там не было кліентаў, а толькі пяць супрацоўнікаў. Мужчыну ўдалося іх запалохаць, і яны аддалі яму ўсю гатоўку (21.535 дойчмарак). Нягледзячы на тое што рабаўніка зафіксавала відэакамэра, паліцыя яго не знайшла.
Тады дырэкцыя Aachener Bankhaus Delbrück нават паабяцала 2000 марак таму, хто дапаможа ў пошуку злачынца. Сёлета 40‑гадовага рабаўніка, які паходзіць з Беларусі, выдалі без ніякай узнагароды.
Паводле супрацоўнікаў аахенскай паліцыі, падставай для звароту жанчыны да нямецкага правасуддзя стала тое, што муж апошнім часам жорстка збіваў яе і двух іхніх дзяцей.
Выпадак з рабункам банку быў названы сярод розных іншых фактаў. Жанчына ўзгадала, як пры канцы 1998 году муж сам прызнаўся ёй у гэтым.
Сужэнцы знаходзіліся ў шлюбе ад 1994 году. Напачатку ў Нямеччыну з’ехаў мужчына, а праз некалькі гадоў, у 2000‑м, да яго прыехалі жонка з дзецьмі.
40‑гадовага беларуса арыштавалі толькі сёлета ў лютым у Гановеры. Перад гэтым паліцыя збірала доказы паводле аналізаў ДНК.
Цяпер чытаюць
«Знік без звестак» вельмі малады беларускі наёмнік1
«Знік без звестак» вельмі малады беларускі наёмнік
На Афоне адшукалі тры невядомыя раней асобнікі Астрожскай Бібліі. Для яе стварэння друкар Іван Фёдараў, выхадзец з Беларусі, выкарыстоўваў тэксты Скарыны66
Каментары