praź dziesiać z pałovaj hadoŭ paśla ździejśnienaha im ciažkaha złačynstva — rabunku banku na zachadzie krainy.
37‑hadovaja biełaruska vydała niamieckamu pravasudździu suženca praź dziesiać z pałovaj hadoŭ paśla ździejśnienaha im ciažkaha złačynstva — rabunku banku na zachadzie krainy.
Pra zdareńnie, jakoje adbyłosia ŭ vieraśni 1998 h. niepadalok ad Aachiena, u toj čas šmat pisała niamieckaja presa. Rabaŭnik u mascy i ź pistaletam źjaviŭsia ŭ viaskovym banku, kali tam nie było klijentaŭ, a tolki piać supracoŭnikaŭ. Mužčynu ŭdałosia ich zapałochać, i jany addali jamu ŭsiu hatoŭku (21.535 dojčmarak). Niahledziačy na toje što rabaŭnika zafiksavała videakamera, palicyja jaho nie znajšła.
Tady dyrekcyja Aachener Bankhaus Delbrück navat paabiacała 2000 marak tamu, chto dapamoža ŭ pošuku złačynca. Sioleta 40‑hadovaha rabaŭnika, jaki pachodzić ź Biełarusi, vydali bieź nijakaj uznaharody.
Pavodle supracoŭnikaŭ aachienskaj palicyi, padstavaj dla zvarotu žančyny da niamieckaha pravasudździa stała toje, što muž apošnim časam žorstka źbivaŭ jaje i dvuch ichnich dziaciej.
Vypadak z rabunkam banku byŭ nazvany siarod roznych inšych faktaŭ. Žančyna ŭzhadała, jak pry kancy 1998 hodu muž sam pryznaŭsia joj u hetym.
Sužency znachodzilisia ŭ šlubie ad 1994 hodu. Napačatku ŭ Niamieččynu źjechaŭ mužčyna, a praź niekalki hadoŭ, u 2000‑m, da jaho pryjechali žonka ź dziećmi.
40‑hadovaha biełarusa aryštavali tolki sioleta ŭ lutym u Hanoviery. Pierad hetym palicyja źbirała dokazy pavodle analizaŭ DNK.
Kamientary