У Нідэрландах сям'я дзевяць гадоў чакала канца свету ў падвале
У Нідэрландах паліцыя выявіла сям'ю, якая на працягу дзевяці гадоў жыла ў падвале, чакаючы канца свету, піша BBC.
Hier zat klaarblijkelijk een gezin ondergedoken, wachtende op het einde der tijden. Ligt aan een kanaal, paar kilometer buiten het dorp. Volop onderzoek. We worden op afstand gehouden. #bizar #Ruinerwold pic.twitter.com/dUDY8D74cR
58-гадовы мужчына і шасцёра яго дарослых дзяцей, якім ад 16 да 25 гадоў, жылі на ферме.
Іх знайшлі пасля таго, як сын замовіў піва ў бары ў суседнім сяле, а потым паведаміў работнікам, што яму патрэбна дапамога. Ён выглядаў разгубленым.
Па словах уладальніка бара Крыса Вестэрбека, ён замовіў пяць порцый піва і выпіў іх.
«Тады я пагутарыў з ім, і ён расказаў, што ўцёк і просіць дапамогі… тады мы выклікалі паліцыю», — сказаў ён.
Вестэрбек дадаў, што ў яго былі доўгія валасы, брудная барада, старая вопратка.
«Ён сказаў, што ніколі не хадзіў у школу і не быў у цырульніка дзевяць гадоў», — сказаў уладальнік бара.
Па словах Вестэрбека, мужчына расказаў, што жыў з малодшымі братамі і сёстрамі ў ізаляцыі на ферме і ўсвядоміў, што яны павінны выбрацца адтуль.
Па наводцы маладога чалавека, паліцэйскія зайшлі ў дом і за шафай у гасцінай выявілі лесвіцу, якая вяла ўніз, у склеп, дзе жыла сям'я.
58-гадовы гаспадар сямейства адмовіўся супрацоўнічаць са следчымі. Яго арыштавалі, і цяпер праводзіцца расследаванне.
Невядома, як доўга сям'я пражыла ў склепе і што адбылося з маці дзяцей. Аднак, па словах мэра мястэчка, жанчына памерла.
Каментары