Але ўдзел Беларусі ў праграме апынецца пад пытаннем, калі Мінск прызнае назележнасць Абхазіі і Паўднёвай Асеціі, папярэдзіў міністр замежных спраў Чэхіі, што старшынствуе ў ЕС.
Еўрапейскі саюз афіцыйна ўключыў Беларусь у праграму «Усходняе партнёрства». Рашэнне было прынята 23 лютага ў Брусэлі кіраўнікамі ўсіх 27 краін — сябраў ЕС.
«Усходняе партнёрства»— гэта шматнацыянальны форум, створаны краінамі‑ўдзельнікамі ЕС і шасцю дзяржавамі Усходняй Еўропы і Закаўказзя — Беларуссю, Украінай і Малдовай — Азербайджанам, Арменіяй, Грузіяй.
УП скіравана на палягчэнне перамоваў па стварэнні зонаў свабоднага гандлю для паслуг і сельгаспрадуктаў, а таксама па заключэнні пагадненняў аб партнёрстве і палягчэнні візавых рэжымаў.
Старт праграме «Усходняе партнёрства», якая не прадугледжвае магчымасці сяброўства ў ЕС, але мае на ўвазе палітычнае і эканамічнае збліжэнне з Еўрасаюзам, будзе дадзены на саміце краін‑удзельніц праекта 7 траўня ў Празе.
У рамках праграмы УП шасці былым савецкім рэспублікам да 2013 году будзе выдзелена 350 млн еўра ў выглядзе дадатковай фінансавай дапамогі.
Учора міністр замежных спраў Чэхіі, якая старшынствуе ў ЕС, Карэл Шварцэнберг заявіў на прэс‑канферэнцыі ў Бруселі, што ў выпадку прызнання Беларуссю незалежнасці Абхазіі і Паўднёвай Асеціі, ейны ўдзел у праграме «Ўсходняе партнёрства» апынецца пад пытаннем.
Цяпер чытаюць
Прабітыя лёгкія, разарваная печань і сэкс з малалетняй: што адбываецца ўнутры беларускай міліцыі і як начальства гэта хавае12
Прабітыя лёгкія, разарваная печань і сэкс з малалетняй: што адбываецца ўнутры беларускай міліцыі і як начальства гэта хавае
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары