у адносінах да двух беларускіх прадпрыемстваў
аб змякчэнні санкцый у адносінах да двух беларускіх прадпрыемстваў
Міністэрства фінансаў ЗША прадоўжыла да 1 чэрвеня 2009 года рашэнне аб змякчэнні санкцый у адносінах да двух беларускіх прадпрыемстваў — «Лакафарба» і «Полацк‑Шкловалакно», што ўваходзяць у склад канцэрна «Белнафтахім». Пра гэта паведамляе афіцыйны сайт Мінфіна ЗША.
Паводле дакумента, амерыканскім грамадзянам дазволена супрацоўніцтва з гэтымі прадпрыемствамі да 1 чэрвеня 2009 года. У той жа час уласнасць гэтых двух прадпрыемстваў застаецца заблакаванай у адпаведнасці з урадавым распараджэннем № 13405. «Грамадзянам ЗША таксама забаронена праз або пры пасрэдніцтве прадпрыемстваў «Лакафарба» і «Полацк‑Шкловалакно» купляць прадукцыю, паслугі і тэхналогіі ў іншых суб’ектаў гаспадарання, занесеных у спіс», — падкрэсліваецца ў паведамленні.
***
Нагадаем, у лістападзе 2007 года ЗША увялі эканамічныя санкцыі ў адносінах да канцэрна «Белнафтахім» у сувязі з парушэннем правоў чалавека ў Беларусі. Двухбаковыя адносіны пагоршыліся ў сакавіку 2008 года пасля таго, як улады Беларусі адмовіліся вызваліць былога кандыдата ў прэзідэнты Аляксандра Казуліна (апошняга з шасці прызнаных міжнароднай супольнасцю палітвязняў на той момант). Паслы Беларусі і ЗША былі адкліканыя з Вашынгтона і Мінска для кансультацый; штаты абодвух пасольстваў скарочаны да мінімуму.
Уведзеныя санкцыі, у прыватнасці, прадугледжвалі замарожванне ўсіх змешчаных пад юрысдыкцыяй ЗША банкаўскіх рахункаў канцэрна і яго прадстаўніцтваў у Германіі, Латвіі, Украіне, Расіі і Кітаі, а таксама рахункаў даччынай кампаніі «Белнафтахім Ю‑эс‑эй». Апрача таго, амерыканскім бізнесменам было прадпісана ўстрымацца ад кантактаў з канцэрнам.
У сакавіку 2008 года былі апублікаваныя ўдакладненні, паводле якіх пад дзеянне санкцый падпадалі прадпрыемствы, доля «Белнафтахіма» ў якіх складае 50% і больш.
5 верасня Мінфін ЗША на паўгода змякчыў эканамічныя санкцыі ў адносінах да прадпрыемстваў «Лакафарба» і «Полацк‑Шкловалакно».
Цяпер чытаюць
Коўл Лукашэнку: Табе трэба быць больш асцярожным, за сталом кепскіх пацаноў застаўся адзін ты7
Каментары