«Караблі ўсяго свету, запускайце свае рухавікі. Няхай нафта цячэ!». Трамп заявіў, што ЗША і Іран заключылі ўгоду
«Гэтым я цалкам дазваляю адкрыццё Армузскага праліва і, адначасова з гэтым, дазваляю неадкладнае зняцце ваенна-марской блакады Злучаных Штатаў».
Трамп заявіў, што ЗША і Іран заключылі пагадненне:
«Пагадненне з Ісламскай Рэспублікай Іран заключана. Віншую ўсіх! Гэтым я цалкам дазваляю адкрыццё Армузскага праліва і, адначасова з гэтым, дазваляю неадкладнае зняцце ваенна-марской блакады Злучаных Штатаў. Караблі ўсяго свету, запускайце свае рухавікі. Няхай нафта цячэ!»
«Гэта важнае пагадненне прынясе мір і бяспеку ва ўвесь рэгіён. Многія прэзідэнты спрабавалі заключыць мір з Іранам, і ўсе яны пацярпелі няўдачу да мяне. Лідары рэгіёна ўпершыню знайшлі прэзідэнта, які можа дапамагчы ім дасягнуць сапраўднага міру. З адкрыццём праліва пасля падпісання пагаднення ў пятніцу і правядзення работ па размініраванні, нафта зноў будзе паступаць у абодва бакі для рэгіёна і ўсяго свету!»
У Іране таксама раскрылі 14 пунктаў мірнай дамовы з ЗША:
— пастаяннае і неадкладнае спыненне баявых дзеянняў на ўсіх франтах, уключаючы Ліван,
— ЗША абавязваюцца не ўмешвацца ва ўнутраныя справы Ірана і паважаць яго суверэнітэт,
— поўнае зняцце марской блакады на працягу 30 дзён,
— ЗША абавязваюцца вывесці свае войскі з раёнаў вакол Ірана,
— аднаўленне працы Армузскага праліва на працягу 30 дзён са згоды Ірана,
— прыпыненне санкцый на продаж нафты,
— прадастаўленне Злучанымі Штатамі і іх саюзнікамі планаў аднаўлення Ірана на суму не менш за 300 млрд даляраў,
— правядзенне перамоў на працягу 60 дзён для дасягнення канчатковага пагаднення па ядзерных пытаннях,
— Іран пацвярджае прыхільнасць Дамове аб нераспаўсюджванні ядзернай зброі і абавязваецца не вырабляць ядзерную зброю,
— ЗША абавязваюцца не павялічваць колькасць сваіх войскаў у рэгіёне і не ўводзіць новых санкцый,
— разблакаванне 24 млрд даляраў замарожаных іранскіх сродкаў на працягу 60‑дзённага перыяду заключных перамоў. Палова гэтай сумы павінна быць перададзена Ірану да пачатку перамоў,
— стварэнне механізму маніторынгу для рэалізацыі пагаднення,
— канчатковае пагадненне будзе зацверджана рэзалюцыяй Рады бяспекі ААН,
— заключныя перамовы не пачнуцца, пакуль не будзе разблакавана палова замарожаных сродкаў Ірана, прыпынены санкцыі адносна іранскай нафты і знята марская блакада.
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя7
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары
— пастаяннае і неадкладнае спыненне баявых дзеянняў на ўсіх франтах, уключаючы Ліван, (Хесбалла і хусіты застаюцца)
— ЗША абавязваюцца не ўмешвацца ва ўнутраныя справы Ірана і паважаць яго суверэнітэт, (Іран якім быў, такім і застаецца, нічога не мяняючы)
— ЗША абавязваюцца вывесці свае войскі з раёнаў вакол Ірана, (спыненьне хоць кольвек якога ціску на тэрарыстычныя арганізацыі падтрымліваемые Іранам)
— правядзенне перамоў на працягу 60 дзён для дасягнення канчатковага пагаднення па ядзерных пытаннях, ( а што там будзе на тых перамовах - пытаньне)
ну і г.д