Кандыдата ў дэпутаты, якога затрымалі ў Курапатах, знялі з выбараў
Кандыдата ў дэпутаты ад Беларускай хрысціянскай дэмакратыі Змітра Казакевіча, які быў 3 лістапада затрыманы і збіты ў Курапатах, знялі з выбараў, паведамляе сайт БХД.
Мінская Свіслацкая камісія 5 лістапада адзінагалосна прагаласавала за яго зняцце.
«Больш я не кандыдат», — адзначыў актывіст. Паводле яго, зняцце было абсалютна спрагназаваным рашэннем.
Раней стала вядома, што Змітра Казакевіча, які быў затрыманы і збіты 3 лістапада ў Курапатах, выклікаюць у акруговую Свіслацкую камісію № 94 на «сур’ёзную размову».
Казакевіча затрымалі 3 лістапада за спробу прайсці на тэрыторыю рэстарана «Поедем-поедим» ля Курапатаў. На яго склалі адміністрацыйныя пратаколы за хуліганства і непадпарадкаванне супрацоўнікам міліцыі.
Цяпер чытаюць
Айцішніка з «Варгеймінга» судзілі па расстрэльным артыкуле. Падобна, за падтрымку Украіны — праўда, зрабіць ён нічога не паспеў3
Каментары