700 рублёў і мабільны тэлефон - у такую цану 44-гадовай жыхарцы Полацкага раёна абышлася паездка па зімовыя рэчы для сваёй сям'і, піша Звязда.
Жанчына, прыехаўшы ў горад, вырашыла наведаць прывакзальную кавярню. Там яна стала актыўна налягаць на спіртныя напоі. Калі ад выпітага моцна сп'янела, касір папрасіла выпадковага наведвальніка ўстановы дапамагчы кліентцы выйсці на вуліцу. Ён пагадзіўся, і ўжо ўдваіх яны адправіліся на пасадачную платформу. Там джэнтльменская паводзіны мужчыны скончылася. Знайшоўшы момант, ён забраў сумку сваёй новай знаёмай і зайшоў у салон аўтобуса.
Абакрадзеная жанчына засталася без сваіх рэчаў, але не па-за ўвагай. На гэты раз — ужо супрацоўнікаў міліцыі. Толькі правёўшы ноч у аддзяленні і працверазеўшы, яна ўспомніла пра знікненне маёмасці і грошай і звярнулася з заявай аб крадзяжы ў Полацкі РАУС.
Як устанавілі аператыўнікі, аматарам чужога дабра аказаўся непрацуючы жыхар Шумілінскага раёна 1960 года нараджэння. Ён прызнаўся, што не чакаў убачыць у сумцы жанчыны такую вялікую суму, якую да моманту свайго затрымання ўжо паспеў патраціць. Знайшоў новага ўладальніка і выкрадзены ў пацярпелай мабільны тэлефон. Такім чынам, вячоркі ў кавярні выліліся для жанчыны ў 940 рублёў. У дачыненні да падазраванага распачата крымінальная справа.
Цяпер чытаюць
Усе беларускія банкі пачнуць сачыць за месцазнаходжаннем кліентаў? Альфа-банк ужо папярэдзіў, адмовіцца немагчыма16
Усе беларускія банкі пачнуць сачыць за месцазнаходжаннем кліентаў? Альфа-банк ужо папярэдзіў, адмовіцца немагчыма
Каля Сафіі ў Полацку паставілі помнік лётчыкам Нічыпарчыку і Куканенку. Але нават не самалёт той мадэлі, на якой яны загінулі, а аэраплан сталінскага часу2020
Каментары