У Дрэздэне абрабавалі вядомы музей: страты могуць скласці 1 мільярд еўра
У Дрэздэне ў панядзелак невядомыя праніклі ў музей старадаўніх ювелірных вырабаў «Зялёнае скляпенне» (Grünes Gewölbe). На месца прыехалі супрацоўнікі крымінальнай паліцыі, вядуцца пошукі рабаўнікоў. Дрэздэнскі замак, дзе знаходзіцца калекцыя, ачэплены ў сувязі са следчымі дзеяннямі, піша Deutsche Welle.
Як мяркуецца, са скарбніцы былі скрадзеныя ўпрыгажэнні на агульную суму каля мільярда еўра, паведамляе таблоід Bild. Паводле яго інфармацыі, прыкладна а 5-й раніцы па мясцовым часе быў здзейснены падпал электрашчыта пад мастом Аўгуста Моцнага, які забяспечвае электрычнасцю «Зялёны звод» і іншыя дзяржаўныя музеі. Затым зламыснікі прабраліся ў будынак, дзе захоўваецца калекцыя. Здабычай сталі толькі ўпрыгажэнні, а не вазы, карціны і іншыя больш буйныя прадметы.
Прэм'ер-міністр Саксоніі, дзе знаходзіцца Дрэздэн, Міхаэль Крэчмер напісаў у сваім мікраблогу ў Twitter, што крадзеж закрануў усю федэральную зямлю. «Без «Зялёнага скляпення» нельга ўявіць сабе гісторыю Саксоніі. Каштоўнасці, якія захоўваюцца тут, стваралі на працягу многіх соцень гадоў людзі нашай Свабоднай дзяржавы», — заявіў Крэчмер.
Цяпер чытаюць
Пастар Грэм на «Чыжоўка-арэне» папрасіў маліцца за Лукашэнку і Пуціна. А сам маліўся за Трампа55
Каментары