Раней неаднаразова судзімы 25-гадовы пінчук прыехаў у Брэст, паведамляе МУС.
Спачатку праз акно ён пранік у дом 38-гадовай мясцовай жыхаркі, якая знаходзілася на працы. Там выкраў мабільны тэлефон з зараднымі прыладамі, партатыўную калонку, навушнікі і тры сярэбраныя вырабы. Нанесены ўрон склаў больш за 600 беларускіх рублёў.
Праз два дні па аналагічнай схеме ён здзейсніў крадзеж у іншым прыватным доме. Пакуль гаспадыня знаходзілася ў знаёмых, з памяшкання былі выкрадзены грошы, тэхніка і каштоўнасці на агульную суму звыш 9.000 рублёў.
Пасля гэтага малады чалавек адправіўся гасцяваць да прыяцеля ў Гомель. Там аператыўнікі яго і затрымалі 4 снежня. У заплечніку знаходзіліся выкрадзеныя рэчы.
У цяперашні час фігурант затрыманы і змешчаны ў ІЧУ Ленінскага РАУС Брэста. Праводзяцца мерапрыемствы па высвятленні яго магчымай датычнасці да здзяйснення аналагічных злачынстваў. Прававую ацэнку дзеянням мужчыны дадуць следчыя.
Міністр культуры выцягнуў у эфір чарговага Астапа Бэндара. І гэта стала апошняй кропляй: супраць гэтага фермера-хвалька выступіла сям’я5
Каментары