Бацькі выкрыкваюць гэтае імя, каб спыніць істэрыкі дзяцей — і трук працуе
Імя можна замяніць і на іншае, больш звыклае нам.
Некаторыя амерыканскія бацькі выкарыстоўваюць новую тактыку, каб спыніць істэрыкі сваіх дзяцей.
Бацькі выкрыкваць імя «Джэсіка», часам нават робячы выгляд, што шукаюць выдуманага чалавека, пакуль у іх дзіцяці адбываецца ўспышка гневу — і гэта працуе. Шмат такіх ролікаў можна пабачыць у TikTok.
Чаму гэта працуе? Дактары кажуць, што гэта тэхніка, вядомая як пераключэнне ўвагі. Гэты падыход дапамагае паставіць на паўзу нервовую сістэму дзіцяці ў момант моцных эмоцый, тлумачыць USA Today.
«Калі вы раптам кажаце нешта незвычайнае, асабліва спакойным тонам, гэта свайго роду перарывае мадэль эскалацыі, якая адбываецца ў іх мозгу», — кажа педыятр Мона Амін.
Іншы педыятр Лорэн Х'юз падкрэсліла, як гэты метад сігналізуе аб змене ў мозгу дзіцяці.
«У вас адбываецца гэты раптоўны зрух, калі вам трэба звярнуць увагу. Вы нібы думаеце: «О, пачакайце, ёсць нехта па імені Джэсіка? Дайце я пагляджу вакол»».
Гэта можа пераключыць мозг дзіцяці са стану засмучэння на стан цікаўнасці.
Незразумела, чаму менавіта імя Джэсіка выбралі для трэнду, але дактары кажуць, што любое імя магло б спрацаваць, калі толькі гэта нехта, каго дзіця не ведае.
Педыятры, аднак, падкрэслілі, што выкарыстанне стратэгіі пераключэння ўвагі, такой як трэнд з Джэсікай, падыходзіць больш для малых дзяцей (старэйшыя пачнуць задумвацца: а чаму гэта мае бацькі клічуць кагосьці?). Дый кожны раз пераключаць так увагу не варта, трэба вырашыць праблему, якая прывяла да істэрыкі.
Каментары