Прэзідэнт Украіны Уладзімір Зяленскі пацвердзіў, што ў яго запланавана сустрэча з прэзідэнтам РФ Уладзімірам Пуціным у рамках перагавораў «нармандскай чацвёркі», і што ён чакае канкрэтных вынікаў ад гэтай сустрэчы. Пра гэта ўкраінскі прэзідэнт заявіў у эфіры тэлеканала «Украіна».
«Так, усе двухбаковыя сустрэчы будуць ва ўсіх прэзідэнтаў», - сказаў ён, адказваючы на пытанне аб тым, ці будуць двухбаковыя перамовы прэзідэнтаў Украіны і РФ. Зяленскі заявіў, што «хоча вярнуцца з канкрэтнымі вынікамі» з Парыжа і прывезці ва Украіну «разуменне і адчуванне таго, што ўсе (перамоўшчыкі) хочуць паступова завяршыць гэтую трагічную вайну».
«Адзінае, з-за чаго я нервуюся - я вельмі не люблю безвыніковасці перамоў. Гэта адзінае, чаго я баюся», - сказаў ён, адказваючы на пытанне, ці адчувае нейкі страх перад гэтай сустрэчай.
Зяленскі заявіў, што бачыць настрой на дыялог з боку РФ, што пацвярджаецца ранейшым узаемным абменам палоннымі, а таксама вяртаннем ва Украіну караблёў, затрыманых РФ.
У першую чаргу Зяленскі звярнуў увагу на пытанні вяртання ўсіх палонных і спынення агню на Данбасе.
Ён прызнаў, што «ўсяго дамагчыся не атрымаецца» на сустрэчы ў Парыжы, назваўшы «перамогай» сам факт таго, што гэтыя перамовы адбудуцца.
Зяленскі адзначыў, што ён мае ўласнае бачанне паслядоўнасці выканання пунктаў мінскіх пагадненняў, але не хацеў бы казаць пра падрабязнасці, каб не сарваць саміт «нармандскай чацвёркі» ў Парыжы 9 снежня.
Зяленскі падкрэсліў, што будзе узнята і пытанне і аб вяртанні кантролю за дзяржаўнай мяжой Украіны.
Цяпер чытаюць
«Мае спінагрызы са мной». Ціханоўская расказала, што ўжо выбірае для дзяцей школу ў Варшаве16
Каментары