МУС пра выпадак у Слуцку: Чалавек не служыць у Службе бяспекі прэзідэнта, ды і біў яго не міліцыянер
«Наша Ніва» са спасылкай на словы пацярпелых паведамляла аб цьмяным здарэнні ў Слуцку, у якім пацярпеў супрацоўнік, як здавалася, Службы бяспекі прэзідэнта — ягоная жонка вінаваціла міліцыю.
Чытайце дэталі: У Слуцку на горкі яблык збілі супрацоўніка службы бяспекі прэзідэнта: ці то падлеткі, ці то міліцыя
Прэс-сакратар міліцыі Мінскай вобласці Сяргей Чабатароў праз некалькі дзён удакладніў інфармацыю.
«Мы правялі праверку, завядзена крымінальная справа — матэрыялы перададзены ў Следчы камітэт.
Але ў словах жонкі ёсць недакладнасці, найперш — ён не супрацоўнік СБП, а інспектар службы бяспекі аднаго з мінскіх гатэляў
Далей: ёсць відэазапісы, як супрацоўнікі выклікаюць яе мужу хуткую, гэта пацвярджае аўдыязапіс з самой хуткай.
Па нашых відэазапісах, калі міліцыя прыбывае да месца другой бойкі, пацярпелы ўжо ляжыць і хрыпіць, спецсродкі супраць яго не ўжываліся, міліцыя не датычная — справа аб хуліганстве заведзена на 33-гадовага жыхара Салігорска», — сказаў нам Чабатароў.
Варта дадаць, што сам пацярпелы ў прытомнасці і ў размове з «Нашай Нівай» настойвае, што бачыў, як яго білі супрацоўнікі міліцыі, і гатовы іх апазнаць.
«Адгукнуўся на 95% аб'яў — і ўсе адмовілі». Расіяніну не хочуць здаваць кватэру ў Гродне8
Каментары