Праз нябесныя ліхтарыкі ў Нямеччыне згарэў заапарк. Загінулі 30 малпаў
60-гадовую жанчыну і дзвюх яе дарослых дачок падазраюць у дачыненні да пажару, які спаліў частку заапарка ў горадзе Крэфельд (Паўночны Рэйн-Вестфалія), піша DW.
Тры жанчыны прыцягнулі ўвагу пасля здагадкі, што пажар выклікалі нябесныя ліхтарыкі, якія забароненыя ў большасці земляў Германіі.
Жанчыны распавялі паліцыі, што запусцілі такія паветраныя ліхтары ў навагоднюю ноч.
У выніку пажару згарэў вальер малпаў. Больш за 30 жывёл загінулі, у прыватнасці арангутан, шымпанзэ, гарылы і мармазетка.
Загінула самая старая ў Еўропе гарыла Маса, якой было 47 гадоў. Таксама загінула вялікая колькасць кажаноў і птушак.
Цяпер чытаюць
«Патрабавалі, каб я з калегамі пры дзецях па-беларуску не размаўляла». Ці сутыкаюцца беларускамоўныя з булінгам у краіне14
Каментары