Прэзідэнт ЗША Дональд Трамп заявіў, што прэм'ер-міністр Эфіопіі Абій Ахмед незаслужана атрымаў Нобелеўскую прэмію міру, піша BBC.
«Я хачу расказаць вам пра Нобелеўскую прэмію міру. Я заключыў здзелку, я выратаваў краіну, і я толькі што даведаўся, што кіраўнік гэтай краіны цяпер атрымлівае Нобелеўскую прэмію міру за выратаванне краіны. Я падумаў: «Ці меў я да гэтага нейкае дачыненне?». Так, вядома, але вось як усё склалася… Я прадухіліў вялікую вайну, і нават не адну», — сказаў Трамп.
Нагадаем, у кастрычніку 2019 года Нобелеўскую прэмію міру атрымаў прэм'ер-міністр Эфіопіі Абій Ахмед за «рашучасць ва ўрэгуляванні пагранічнага канфлікту з суседняй краінай Эрытрэяй».
Эфіопія і Эрытрэя знаходзіліся ў стане вайны каля 20 гадоў. У ліпені 2018 года Абій Ахмед і прэзідэнт Эрытрэі Ісаяс Афверкі падпісалі мірнае пагадненне.
Цяпер чытаюць
«Пра які саюз можна гаварыць?» Лукашэнка ў Астане раскрытыкаваў Расію за навязванне утыльзбораў19
Каментары