У міліцыю 3 студзеня наконт знікнення сужыцелькі звярнуўся 38-гадовы жыхар Лідчыны. Было ўстаноўлена, што знікненне жанчыны можа насіць крымінальны характар. На месца выехалі следчыя, паведамляе СК.
У выніку да 48-гадовага і 36-гадовага мужчыны заведзена крымінальная справа. Высветлілася, жанчына была задушаная падчас канфлікту ў доме аднаго з падазраваных, у якім яны разам выпівалі.
Потым падазраваныя вынеслі цела на вуліцу, пазней яго расчлянілі. Часткі цела, а таксама сваю вопратку і вопратку ахвяры мужчыны спалілі. Кінулі ў агонь і сякеру, якой расчленялі труп. Цела ў мяшку закапалі ў меліярацыйным канале ў некалькіх кіламетрах ад хаты.
Падчас працэсу праверкі паказанняў на месцы з удзелам аднаго з падазраваных мужчына паказаў месца пахавання. Следчымі праведзены агляды месца забойства і пахавання 4 студзеня было знойдзена цела пацярпелай.
Яны змешчаны пад варту. Расследаванне крымінальнай справы працягваецца.
Цяпер чытаюць
Дарафеева захапляецца Грэцыяй, а Лебедзева лашчыць капібар у Тайландзе. Дзе адпачываюць лукашэнкаўскія зоркі?2
Дарафеева захапляецца Грэцыяй, а Лебедзева лашчыць капібар у Тайландзе. Дзе адпачываюць лукашэнкаўскія зоркі?
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары