Лізавета II падтрымала жаданне Гары і Меган пачаць самастойнае жыццё
Брытанская каралева Лізавета II падтрымала жаданне герцага і герцагіні Сасекскіх, якія нечакана для ўсіх адмовіліся ад выканання абавязкаў у якасці старшых членаў каралеўскай сям'і, піша bbc.com.
Каралева ў панядзелак сабрала высокапастаўленых членаў каралеўскай сям'і, каб абмеркаваць будучую ролю прынца Гары і Меган, якія раней заявілі, што хочуць стаць фінансава незалежнымі.
«Нягледзячы на тое што мы б аддалі перавагу, каб яны засталіся паўнавартаснымі членамі каралеўскай сям'і, мы паважаем і разумеем іх жаданне жыць больш незалежным жыццём і пры гэтым заставацца каштоўнай часткай нашай сям'і», - гаворыцца ў заяве.
Па словах каралевы, на сустрэчы была дасягнутая дамоўленасць аб пераходным перыядзе, на працягу якога Гары і Меган будуць праводзіць частку часу ў Канадзе, а частку — у Вялікабрытаніі. Колькі будзе доўжыцца гэты перыяд — невядома.
У сустрэчы, акрамя каралевы Лізаветы II і яе ўнука прынца Гары, бралі ўдзел бацька Гары, прынц Уэльскі Чарльз, і старэйшы брат прынц Уільям. Меркавалася, што жонка Гары Меган возьме ўдзел у размове па тэлефоне.
Члены каралеўскай сям'і павінны былі абмеркаваць наступствы адмовы Гары і Меган ад выканання абавязкаў у якасці старшых членаў каралеўскай сям'і, у прыватнасці, якую суму яны будуць атрымліваць ад палаца, тытулы, а таксама дэталі камерцыйных пагадненняў, якія ім будзе дазволена заключаць.
Цяпер чытаюць
Зяленскі назваў, якія рэтранслятары на мяжы і беларускія прадпрыемствы хвалююць Украіну44
Каментары