Азербайджан мае магчымасці для паставак нафты ў Беларусь, заявіў «Інтэрфакс-Азербайджан» намеснік начальніка дэпартамента па арганізацыі мерапрыемстваў і сувязях з грамадскасцю SOCAR (Дзяржнафтакампанія Азербайджана, ДНКАР) Ібрагім Ахмедаў.
«Цікавасць з беларускага боку наконт паставак нафты для перапрацоўкі ў Беларусі была. Аднак на гэты конт пакуль няма канкрэтнага рашэння. У мінулым мы пастаўлялі нафту ў Беларусь, і ў прынцыпе ёсць магчымасці для паставак», — сказаў Ахмедаў.
Ён адзначыў, што беларускі бок цяпер разглядае розныя магчымасці на рынку, уключаючы пастаўкі з боку SOCAR.
Раней у аўторак першы віцэ-прэм'ер Беларусі Дзмітрый Круты заявіў, што Беларусь накіравала камерцыйныя прапановы аб куплі нафты ва ўсе магчымыя краіны. «Мы разаслалі адпаведныя камерцыйныя прапановы. Усе магчымыя краіны: і Украіна, і Польшча, і краіны Балтыі, і Казахстан, Азербайджан», — сказаў Круты.
Каментары