На аўкцыён выставілі культавы нямецкі спорткар. Прадаюць усяго за 390 рублёў
На аўкцыённай пляцоўцы Белюрзабеспячэння з'явіўся вельмі цікавы лот. Гэта аўтамабіль Opel Manta.
Manta была нямецкім адказам на амерыканскія поні-кары накшталт Chevrolet Corvette. Першую мадэль лінейкі прэзентавалі ў 1970 годзе, піша Blizko.by.
Выйшла некалькі пакаленняў машын з маторам рознай магутнасці і аб'ёму; аўтамабіль стаў папулярным аб'ектам цюнінгу, а таксама нядрэнна ўдзельнічаў у ралійных спаборніцтвах.
У Германіі Opel Manta стала культурным феноменам, а кіроўца «Манты» — прыкладна такі ж гумарыстычны стэрэатып, як у нас «новы рускі». Паводле нямецкага гарадскога фальклору, сярэднестатыстычны кіроўца Opel Manta — гэта малады накачаны хлопец (Mantafahrer), які не вылучаецца розумам, паводзіць сябе агрэсіўна і ў патоку, і за яго межамі, а таксама сустракаецца з карыкатурнай бландзінкай-цырульніцай.
На таргі выставілі другое пакаленне машыны — Opel Manta B. У апісанні лота сказана, што купэ залацістага колеру выпушчана ў 1983 годзе. Няма звестак аб працоўным аб'ёме матора і яго магутнасці. У тыя гады на Manta ставілі шмат разнастайных рухавікоў, з якімі купэ магло разганяцца да 190‑200 км/г.
Машына знаходзіцца ў Докшыцах Віцебскай вобласці, прадаецца як маёмасць даўжніка Вольгі Харэўскай-Дзямідавай.
Па даных анлайн-картатэк, ІП з такімі ж данымі існавала ў 2001‑2018 гадах (від дзейнасці не ўстаноўлены).
Аднак па фота ж відаць, што машына пабывала ў сур'ёзным і, можа быць, нават страшным ДТЗ: увесь перад машыны цалкам сплюшчаны.
«Яна не выглядала шчырай, была ў масцы». Паўлючэнка пра сустрэчу Калеснікавай з беларускімі журналістамі12
Каментары
Pacikaūciesia ū Viki - Riga Motor Museum (Latvian: Rīgas motormuzejs) is the biggest antique vehicle museum in the Baltic countries, located in Riga, Latvia.
• ЛАШАР-КАР •
🚗 Калі «Шаўрале Карвэт» гэта поні-кар, то як назваць таго, хто каркнуў гэткую бязглузьдзіцу, а яшчэ таго, хто яшчэ больш бязглузда «перапосьціў» яе на гэты сайтык? Ёсьць прапановы, толькі цэнзар не прапусьціць.
🤾 Вось коратка тлумачыць нехта Сьлідавайс: ««Карвэт» гэта двухмесны спартыўны аўтамабіль. Поні-кары — кампактныя, стыльныя аўтамабілі з пасадачнай формулай 2+2. Mustang — прататып поні-кара, адсюль і назва. Да поні-караў адносяцца Mustang, Camaro, Cougar, Firebird, Barracuda/'Cuda, Challenger і Javelin...». (Шах і) мат такім «нашым» пісакам!
.
• ЛАШАР-КАР •
🚗 Калі «Шаўрале Карвэт» гэта поні-кар, то як назваць таго, хто каркнуў гэткую бязглузьдзіцу, а яшчэ таго, хто яшчэ больш бязглузда «перапосьціў» яе на гэты сайтык? Ёсьць прапановы, толькі цэнзар не прапусьціць.
🤾 Вось коратка тлумачыць нехта Сьлідавайс: ««Карвэт» гэта двухмесны спартыўны аўтамабіль. Поні-кары — кампактныя, стыльныя аўтамабілі з пасадачнай формулай 2+2. Mustang — прататып поні-кара, адсюль і назва. Да поні-караў адносяцца Mustang, Camaro, Cougar, Firebird, Barracuda/'Cuda, Challenger і Javelin...». (Шах і) мат такім «нашым» пісакам!
.