Рэза Пехлеві, сын шаха, зрынутага ў 1979 годзе, і адзін з галоўных крытыкаў цяперашняга рэжыму ў Іране, заклікаў свой народ да далейшых пратэстаў.
«Мае мужныя суайчыннікі павінны з суботы па панядзелак узняць свае галасы гневу і пратэсту, — напісаў Рэза Пехлеві на платформе X. — Свет бачыць вашу адвагу і будзе аказваць вашай нацыянальнай рэвалюцыі больш выразную і практычную падтрымку».
Тым часам цалкам магчыма, што пратэсты ў Іране поўнасцю задушаныя.
Паводле слоў жыхароў Тэгерана, праз маштаб рэпрэсій і вялікую колькасць загінулых вулічныя акцыі на гэтым тыдні амаль спыніліся, а прысутнасць сілавікоў у сталіцы стала паўсюднай, што нагадвае ўмовы ваеннага становішча.
Праваабарончая арганізацыя Hengaw, якая базуецца ў Нарвегіі, паведаміла, што з 11 студзеня ў Іране не было зафіксавана ніводнай буйной дэманстрацыі. У многіх гарадах назіраецца моцная мілітарызацыя, тысячы людзей затрыманыя, частка ўніверсітэтаў закрытая.
Паводле ацэнак ізраільскага Міністэрства абароны, на якія спасылаецца The New York Times, пратэсты рэзка пайшлі на спад пасля таго, як сілавыя структуры пачалі шырока выкарыстоўваць баявыя патроны і адключылі інтэрнэт.
Апытаныя Reuters жыхары Тэгерана пацвердзілі, што вуліцы ўжо некалькі дзён застаюцца адносна спакойнымі.
«Мае спінагрызы са мной». Ціханоўская расказала, што ўжо выбірае для дзяцей школу ў Варшаве12
Каментары
запад очередной раз показал свою бесхребетность и полное неумение пользоваться ситуацией. могли бы просто и элегантно покончить с целым вагоном проблем.. да, появились бы новые, но их масштаб не сопоставим с тем, что имеется на данным момент.
омерзительное зрелище.