Міністр інфармацыі Аляксандр Карлюкевіч падчас чарговага пасяджэння праекта «Экспертны асяродак» — «Deepfakes: новы выклік інфармацыйнай бяспекі» ў прэс-цэнтры БелТА выказаўся за тое, каб унесці ў заканадаўства такія паняцці, як fake і deepfake.
Міністр лічыць, што гэтую тэму ў кантэксце гарантавання інфармацыйнай бяспекі трэба абмяркоўваць з усімі зацікаўленымі ў парламенце. На думку Аляксандра Карлюкевіча, неабходна ацаніць маштабы з'явы, патэнцыйныя пагрозы і падумаць, як выкласці гэта ў заканадаўчай базе. Ён выказаўся за тое, каб «ўжо сёння рыхтаваць праекты, дзе будуць прапісаны такія паняцці, як fake і deepfake».
«Людзям неабходна растлумачыць, да чаго гэта прывядзе. Трэба сказаць, што ў нас не прынята, што можа насіць супрацьпраўны характар. Такім чынам будзе выказана пазіцыя не толькі дзяржавы, але і здаровай часткі грамадства. Калі мы сёння не падрыхтуемся да гэтага, то заўтра можам спазніцца», — падкрэсліў Аляксандр Карлюкевіч
