Перыяд холаду ў беларуска-амерыканскіх адносінах скончыўся. Пра гэта Аляксандр Лукашэнка заявіў сёння журналістам у час наведвання Добрушскай папяровай фабрыкі «Герой працы», перадае БЕЛТА.
Нагадаем, што 1 лютага Мінск наведаў дзяржсакратар ЗША Майк Пампеа.
«Я не скажу (шчыра адзначу), што амерыканцы ў нас такія ўжо вялікія сябры. Але перыяд вось гэтага холаду, калі мы глядзелі адзін на аднаго праз нейкую амбразуру, жалезабетонную тоўстую сценку, скончыўся. І нікому не трэба ў гэтым кірунку стагнаць, перажываць і галасіць. Мы наладжваем адносіны з найвялікшай імперыяй — вядучай краінай свету», — заявіў Лукашэнка.
«У Расіі занепакоіліся. А што, мы больш зрабілі з Амерыкай, чым Расія? Вы паглядзіце: яны «ўзасос» з імі імкнуцца пацалавацца. Не атрымліваецца, праўда. Мы што, перажываем? Мы радуемся за іх, калі яны абдымаюцца і цалуюцца. Тут цэлы нейкі скандал паднялі: ах, прыехаў дзяржсакратар! — адзначыў Лукашэнка. — Так, прыехаў. І я не хаваў, я вам намякнуў, што ў нас завочна даўнія адносіны. Калі рассакрэціць ўсе матэрыялы, то свет нам апладзіраваць будзе. Мы з Пампеа, калі ён быў дырэктарам ЦРУ, вялі тут найсур'ёзнейшыя аперацыі. Яны да нас звярталіся, давалі нам інфармацыю. Мы затрымлівалі тут з ядзернымі матэрыяламі на мяжы людзей. І без іх затрымлівалі. А ў іх гэта пытанне нумар адзін».
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі15
Каментары