
На ізаляваным круізным лайнеры Diamond Princess у Японіі колькасць заражаных каранавірусам узрасла да 61. Пра гэта паведамляе ТАСС са спасылкай на Міністэрства аховы здароўя, дабрабыту і працы Японіі.
Па звестках на пятніцу, 7 лютага, каранавірус знойдзены ў грамадзян Японіі, ЗША, Аўстраліі, Канады і Аргенціны.
Усяго, паводле Міністэрства, на лайнеры знаходзяцца каля 3700 пасажыраў з больш чым 50 краін. Усе яны застануцца ў сваіх каютах на 14-дзённы каранцін. Паводле інфармацыі пасольства Расіі ў Японіі, на лайнеры знаходзяцца 24 расіяніны. Таксама ёсць звесткі, што 14 членаў экіпажа — украінцы.
5 лютага паведамлялася, што Diamond Princess стаў на якар каля берагоў Японіі пасля таго, як на яго борце выявілі хворых людзей з характэрнымі для каранавіруса сімптомамі. 6 лютага колькасць інфікаваных павялічылася да 20 чалавек. Як мяркуецца, разносчыкам інфекцыі стаў 80-гадовы жыхар Ганконга, які сышоў на бераг 25 студзеня.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі
Каментары