Беларус спрабаваў вывезці з Расіі кантрабандную партыю манет на $19 тысяч
Мужчына спрабаваў незаконна вывезці з Расіі ў Беларусь калекцыю старадаўніх манет XVIII—XX стагоддзяў коштам 1,2 мільёна расійскіх рублёў (гэта каля $19 тысяч), паведамляе РІА «Навіны» са спасылкай на прэс-службу ФМС РФ.
Па звестках ведамства, у снежні 2019 году мытнікі ноччу спынілі кіроўцу з Беларусі ў раёне населенага пункта Круглоўка Руднянскага раёна. У салоне яго машыны знайшлі калекцыю старадаўніх манет без дакументаў, якія дазваляюць вываз з РФ культурных каштоўнасцяў. Па словах мужчыны, залатыя, сярэбраныя і медныя манеты ён набыў у Маскве і планаваў вывезці ў Беларусь.
«Паводле заключэння эксперта міністэрства культуры Расіі, 21 манета з 30 з'яўляецца сапраўднай і ўяўляе культурную і гістарычную каштоўнасць. Адна з манет адбіта больш чым 300 гадоў таму, а пяць — больш чым 200 гадоў таму», — гаворыцца ў паведамленні.
Смаленская мытня распачала крымінальную справу па артыкуле 30 КК РФ («Падрыхтоўка да злачынства і замах на злачынства») і па артыкуле 226.1 КК РФ («Кантрабанда культурных каштоўнасцяў»). Далейшы лёс манет і меру адказнасці правапарушальніка вырашыць суд.
«Трэба дамаўляцца істотна». Лукашэнка расказаў пра сустрэчу з прадстаўнікамі Зяленскага40
«Трэба дамаўляцца істотна». Лукашэнка расказаў пра сустрэчу з прадстаўнікамі Зяленскага
«Лютая, абразлівая крытыка ўсяго беларускага. Але з мінулага ў будучыню немагчыма прайсці міма сучаснасці». Насевіч грунтоўна адказаў Алесю Беламу141141
Каментары